Перейти к содержимому

 

Форумга катталгандан кийин,почтаңызга билдирүү барбаса,админ толук каттоодон өткөрүп коет,cуроолор болсо бул дарекке кайрылыңыз жардам берет --> kiggas90@mail.ru , diorokg@gmail.com

Эң мыкты билдирүүлөр


#6506 Апа...

Жазылган Байкеси на 28 Октябрь 2013 - 10:16

Апа…

- Апа, а күн кайдан чыгат?
- Балам, тээ булуттардын көрүп турасыңбы? Күн ошолордун артынан чыгып, бизге жарык жана жылуулук берип турат. Бизди уктап эс алсын деп кечинде кайра кирип кетет.

***
- Апа, карасаң, мен туура окуп жатамбы: «ба-ла-ты», «бал-муз-дак»?
- Ий, күчүгүм, азаматсың! Кичинекей акылманымсың го менин!

***
- Апа, мага математиканы чыгарганга жардам берип койчу, жаңы келген мугалим жаман экен, эч нерсе түшүндүрө албайт экен.
- Кел уулум, чыгарып көрөлү. А жаман адамдар болбойт, аларды жөн гана укканды жана түшүнгөндү билиш керек, түшүнбөсөң суроо беришиң керек.

***
- Апа, контракт төлөш керек экен, антпесе окуудан чыгарып салат.
- Дем алышта короодогу жалгыз уйубузду базарга алып чыгалы. Аман болсок, баары болот.

***
- Каралдым, көчөдө караңгыда көп баспачы.
- Апа, өзүм билем, эмне болуп кетмек эле!!?

***
- Балам, бүгүн эмне кылдың, айтып берчи…
- Апа, болдучу, мен чарчадым, сүйлөшкүм келген жок!

***
- Секет кетейин, уулум, мына эми баш кошуп үйлөндүң, мен сен үчүн кубанычтамын. Бактылуу бол, алтыным! Эми келин колумда болуп, колум узарып калат экен.
- Жок, бирге жашабайбыз, өзүнчө бөлүнбөсөк жашоомо кийлигише бересиз.

***
- Уулум…
- Болду бүттү, тажатпачы, апа!

***
- Апа, баламдын температурасы көтөрүлүп ооруп калган окшойт.
- Азыр келем, бир заматта жетип барам.

***
- Апа, балдарыбыз менен отуруп турчу, биз конокко барып келели.
- Макул балам, неберелерим менен отуруш мен үчүн бакыт.

***
- Уулум, келиним, мындай кылсаңарчы…
- Апа, биздин жашоого кийлигишпечи, өзүбүз чечишип алабыз.

***
- Балам, мага сенин жардамың…
- Апа, мен бош эмесмин, жумуш көп. Башка убакта чалчы.

***
- Балам, ооруп калган окшоймун, жалгыз кыйналып жатам.
- Апа, телефон деген бар, доктур чакыр, мен бошой албайм.

***
- Балам, мен…
- Апа, башка күнү чалчы.

***
- Апа, мага эме керек эле… Апа.
- ….......
-  Апаааа, апакебай!!! :131: :131: :131: :stena:
- ..........


#52216 Нукура форумчулардын сүрөттөрү!

Жазылган Айдося на 12 Июль 2014 - 22:36

Дагы =)

Тиркелген сүрөт

  • плюс сити.jpg
  • плюс сити1.jpg



Copyright © 2013 - 2019 E-mail: salam@nukura.kg
 

Рейтинг@Mail.ru
Рейтинг@Mail.ru